У аўторак, 24 снежня ў 17.30, у арт-прасторы «Талстога, 7» адкрываецца выстава графікі, дэкаратыўных масак і ліхтарыкаў студэнтаў кафедры дызайна і моды ВДТУ «Сон на Каляды».
Дата: 24 снежня
Час: 17.30
Месца: арт-прастора «Талстога, 7», вул. Талстога, 7, Віцебск
У межах выставы будзе мноства разнастайных майстар-класаў, ад аўтараў.
Вось напрыклад:
26, 28, снежня 2024 і 4, 8, 11 студзеня у 17.00 мастачка, майстрыня выцінанкі Наталля Канькова запрашае дарослых і дзяцей зрабіць навагоднія сняжынкі.
27 снежня ў 17.30 — роспіс дэкаратыўных масак ад мастачкі і дызайнеркі Веранікі Кулешковай.
Яна прапануе распісаць маскі ручной працы, зробленыя ў тэхніцы пап’е-машэ. Трэба толькі прынесці з сабой акрылавыя фарбы, палітры і пэндзлі розных памераў.
28 снежня ў 12.00 мастачка і архітэктарка Наталля Айдэмір, стваральніца дзіцячай архітэктурнай майстэрні «Арт КРОПКА», правязе майстар-клас для дзяцей 7-11 гадоў.
Яны змогуць паспрабаваць сябе ў якасці архітэктараў і стварыць чароўныя кардонныя домікі, якія потым злучаць у доўгую навагоднюю вуліцу.
І вядома ж не абыдзецца без запальвання навагодняй ялінкі.
7 студзеня ў 17.30 мастак Данііл Качура правядзе варштат па лінейнай графіцы асадкамі і лінёрамі, раскажа пра чысціню лініі і штрыхоўкі ў гэтай тэхніцы. Прапануе ствараць нацюрморты.
8 студзеня ў 17.30 вас чакае роспіс празрыстых ялінкавых шароў з падсветкай знутры ад мастачкі і дызайнеркі Анастасіі Саўчанка.
Для жадаючых будуць прапанаваны схемы узораў роспісу.
10 студзеня ў 17.30 разам з мастачкай Аляксандрай Луканевай будзе магчымасць зрабіць навагоднія і калядныя паштоўкі для сябе і сваіх сяброў.
Удзел у майстар-класах каштуе 4 рублі.
Запісвайцеся праз дырэкт Цэнтра сучаснага мастацтва.
