Выстава «Мастацтвам па рэжыму» самага вядомага беларускага мастака і дызайнера Уладзіміра Цэслера адкрыецца ў Варшаве 28 кастрычніка.
Дата: 28-га кастрычніка, 18.00, 29.10.2021 - 23.12.2021 з 14.00 да 20.00.
Месца: прастора «Pracownia Duży Pokój», па вул. Warecka 4/6 (wejście od ul. Kubusia Puchatka), Варшава.
Дызайнерскія працы Уладзіміра Цэслера з’яўляюцца каментарамі да грамадска-палітычнай сітуацыі ў краіне, яны адначасова высмейваюць і палохаюць. Беларусы перасылаюць іх адзін аднаму ў сацсетках, бо гэтыя працы — дакладнае апісанне невыноснай рэальнасці. Уладзімір Цэслер — адзін з самых вядомых беларускіх дызайнераў.
Яго працы знаходзяцца ў калекцыях музеяў па ўсім свеце, нават у парыжскім Луўры. Стваральнікі праекту анансуюць суправаджэнне выставы серыяй сустрэч, падчас якіх будзе ісці гаворка пра Беларусь з палякамі і з беларусамі. Абмяркуюць цяжкасць беларускай штодзённасці і аб тым, як на яе рэагуе мастацтва.
