У суботу, 2 лістапада, праект Светы Бень і Сяргея Навіцкага WTBSK грае першы сольны канцэрт у Беластоку.
Дата: 2 лістапада
Час: 19.00 (час мясцовы)
Месца: Bialystok Music Club, Legionowa 14/16, Беласток
Гэты праект з’явіўся на сцэне ў Віцебску якраз ў дзень нараджэння горада. Але асноўным месцам дзейнасці стаў Берлін.
Падчас пераезду з назвы зніклі пяшчотныя і пявучыя галосныя, затое засталіся калючыя і напружаныя зычныя.
Тое ж можна сказаць і пра тэксты і пра музыку і пра візуальную частку праграмы: спалучэнне электроннай музыкі і паэтычных тэкстаў, гукавыя і візуальныя эксперыменты, сінтэзатары і нойзавыя гітары, гіпнотык, індастрыял, трып-хоп.
Квіткі коштам ад 50 злотых бярыце па спасылцы.
