Гісторык Антон Дзянісаў ладзіць новую лекцыю з цыклу мінскіх гісторый і гэтым разам распавядзе пра паездку беларускіх літаратараў на сталінскія будоўлі.
Дата: 23 лютага
Час: 19.00
Месца: Silver Screen Cinemas у ГЦ Dana Mall, вул. П. Мсціслаўца, 11, Мінск
Аднойчы 120 савецкіх дзеячаў культуры, сярод якіх былі і беларускія літаратары, ступілі на борт парахода, які плыў па Беламорска-Балтыйскім канале. Перад імі стаяла задача на аснове назіранняў за зняволенымі напісаць калектыўную працу на славу правадыра і чэкістаў, якія, утаймаваўшы прыроду, стварылі Новага чалавека. Якім выйшаў твор і як склаліся лёсы ўдзельнікаў гэтага праекта, вы зможаце даведацца на лекцыі 23 лютага.
Што мы ведаем аб адносінах улады і інтэлектуала? І што мы ведаем пра такія адносіны ў Савецкай Беларусі ў 1930-я? Інтэлектуал мог быць адначасова і ахвярай, і саюзнікам, і сапернікам каласальнай дзяржаўнай машыны і яе агітпрапа. Ды і самі ўлады жадалі быць і строгімі настаўнікамі для творцаў, і магутнымі апекунамі, і самі хацелі далучыцца да славы і мастацтва.
