19 чэрвеня споўніцца 100 год з дня нараджэння Васіля Быкава — сусветна вядомага аўтара ваеннай прозы, публіцыста, незалежніка, па-сапраўднаму народнага пісьменніка Беларусі.
З гэтай нагоды, 15 чэрвеня, Скарынаўская бібліятэка ў Лондане запрашае усіх жадаючых ушанаваць памяць Васіля Быкава. Падчас імпрэзы можна будзе падзяліцца думкамі пра яго жыццё і творчасць ды пачытаць улюбёныя тэксты.
Дата: 15 чэрвеня
Час: 15:00 (час мясцовы).
Імпрэза пройдзе ў гібрыдным фармаце:
афлайн (па адрасе: Скарынаўская бібліятэка, 37 Holden Road, London, N12 8HS) і анлайн (далучыцца да мерапрыемства праз зум па спасылцы).
