“Зімовая рапсодыя” ад музычнага праекта “Bon Voyage”
06.12.2017
19:00 - 19:00
Нацыянальны мастацкі музей (вул. Леніна, 20)
10 рублёў
10 снежня (нядзеля) 2017 года Нацыянальны мастацкі музей запрашае ў музычны ваяж! “Зімовая рапсодыя” ад музычнага праекта “Bon Voyage” – гэта дзіўнае, напоўненае яркімі фарбамі падарожжа, якое не пакіне абыякавым беларускую публіку.
Ад Расіі, Венгрыі і Аўстрыі да Бразіліі і Аргенціны па заснежаных снежаньскіх дарогах з мелодыямі Ф. Легара, К. Давыдава, А. Дворжака, Ф. Крэйслера, А. П’яцолы, Л. Андэрсана, А. Вівальдзі. Для вас будзе гучаць вытанчаная класіка, традыцыйныя калядныя гімны і фантазіі на народныя тэмы. Сапраўдным падарункам стане неверагодна прыгожы танец з веерамі ў выкананні юнай танцоркі з Кітая.
У канцэрце бяруць удзел:
Вольга Перагуд (сапрана)
Святлана Стэфаненка (фартэпіяна)
Эла Іванова (скрыпка)
Лізавета Вільчык (флейта)
Алёна Сергяенка (гітара)
Анастасія Ярашук (віяланчэль)
Таццяна Бяразоўская (перкусія)
Ванг Юнхан (харэаграфія)
Музычны праект “Bon Voyage” існуе з 2014 года. За гэты час дзяўчаты пазнаёмілі беларускую публіку з мелодыямі Італіі, Іспаніі, Францыі, Турцыі, Венгрыі, Фінляндыі, рытмамі Паўднёвай Амерыкі і Афрыкі. У 2015 годзе праект прыняў удзел у святкаванні 70-годдзя Арганізацыі Аб’яднаных Нацый; разам з цягніком ААН калектыў праехаў з канцэртамі па ўсёй краіне. А ўлетку 2017 года праект стаў адным з хэдлайнераў Дзён Культуры Фінляндыі ў Мінску. Праект аб’ядноўвае маладых музыкаў, лаўрэатаў і дыпламантаў міжнародных і рэспубліканскіх конкурсаў.
Пачатак канцэрта а 19-й гадзіне.
Месца правядзення: фае музея.
Кошт білета – 10р. Білеты можна набыць у касе музея.
