29 траўня ансамбль Зісла Сляповіча, славутага джазмена, музыказнаўцы ды кампазітара родам з Мінска, грае канцэрт у Коўне. Не прапусціце!
Дата: 29 траўня
Час: 16.00 (час мясцовы)
Месца: Летняя сцэна Kaunas 2022, Ратушная плошча, Коўна
Zisl Slepovitch Ensemble — міжнародны камерны калектыў (Нью-Ёрк-Берлін) з пяці музыкаў, сярод якіх Саша Лур’е (вакал), Зісл Сляповіч (духавыя, вакал), Джошуа Кэмп (акардэон, клавішныя, гітара) , Крэйг Джудэльман (скрыпка) і Дзмітрый Ішэнка (кантрабас).
Слухачоў чакае музычнае падарожжа памяці тых, хто перажыў Халакост, чые сведчанні ды песні былі запісаныя для відэаархіва Fortunoff у Ельскім універсітэце.
Песні і вершы, якія прагучаць, першапачаткова гучалі ў вёсках і гарадах, па ўсёй Польшчы і Літве, а таксама ў гета і канцлагерах Цэнтральнай і Усходняй Еўропы. Яны вельмі асабіста перадаюць гісторыю таго перыяду.
У 2018 г. Відэаархіў сведчанняў Халакосту Fortunoff разам з музыкамі Зіслам Сляповічам і Сарай Гарыбавай распачаў выпуск альбома песень, узгаданых у сведчаннях сведкаў Халакосту. Больш за 12 000 гадзін запісанага матэрыялу — на больш чым дзясятку моў — прадстаўляюць тысячы людзей, чые гісторыі жыцця даюць зразумець досвед тых, хто перажыў Халакост.
Уваход вольны.
