Кніжны клуб ТБМ абмяркуе "Гісторыі ў прыцемках" Змітра Дзядзенкі анлайн

10.12.2025 20:00 - 21:00 Анлайн (Чат кніжнага клуба Таварыства беларускай мовы) Бясплатна

У сераду, 10 лістапада, кніжны клуб Таварыства беларускай мовы ладзіць анлайн-сустрэчу.

Гэтым разам абмяркуюць кнігу Змітра Дзядзенкі "Гісторыі ў прыцемках".

Творы ў кнізе вострасюжэтныя, з загадкамі, містыкай і нечаканымі паваротамі. І, вядома, са зваротам да гісторыі - куды без яе?

Апавяданне "Яйкі птушкі Рух" і дэтэктыўная аповесць “Голем з Малой Мар'ямпольскай” маюць у сабе больш містычных матываў.

Аповесць “Вуаерыст” - бліжэй да дэтэктыву ў жанры “нуар” з гістарычнымі паралелямі.

Станоўчых герояў у “Вуаерысце” практычна няма, затое ёсць эротыка, спецслужбы і пошукі золата.

Спампаваць кнігу можна тут.

Калі жадаеце абмеркаваць гэты твор у цёплым сяброўскім коле на роднай мове - далучайцеся да адмысловага чата.

Удзел вольны.

Зарэгістравацца дадаць у google каляндар

Вам можа быць цікава