На адукацыйнай платформе «Васьміног» выйшаў навучальны курс, які распавядае пра дзесяць малавядомых беларускіх жанчын ХІХ-ХХ стагоддзяў. Яны зрабілі значны ўлыў на развіццё культуры, навукі і іншых сфераў дзейнасці ў Беларусі, аднак цяпер малавядомыя шырокай аўдыторыі. Стваральнікі курса імкнуліся выправіць гэта і распавесці пра беларусак.

Для чаго і пра каго курс

Курс дапаможа ўбачыць месца жанчын у беларускай гісторыі і адкрыць для сябе новыя імёны беларусак, што вынаходзілі для нас Беларусь. Апроч таго, ён дапаможа знайсці для сябе «ролевыя мадэлі» і натхняцца імі ў прафесійным развіцці.

У адукацыйным курсе вы даведаецеся гісторыі жыцця:

• Соф’і Федаровіч — заснавальніцы брытанскага балету

• Зінаніды Мажэйка — першай беларускай прадзюсаркі этнічнай музыкі

• Таццяны Бірыч — легенды беларускай афтальмалогіі

• Вольгі Якушка— даследчыцы беларускіх азёраў Надзеі Шнаркевіч — беларускай асветніцы і рэдактаркі

• Валянціны Лемцюговай — даследчыцы і абаронцы беларускай мовы

• Ганны Цюндзявіцкай — аўтаркі першага гаспадарчага бестселера на беларускіх землях

• Бальбіны Світыч-Відацкай — адной з першых беларускіх скульптарак

• Марыі Младзяноўскай-Дырдоўскай — даследчыцы беларускай фаўны

• Эльзы Зубковіч — адной з першых беларускіх кампазітарак.

Кім яны былі, як жылі, працавалі і аб чым марылі гэтыя выдатныя беларускі — пра ўсё гэта вы даведаецеся ў матэрыялах адукацыйнага курса «Абрысы Беларусі».

Дадатковыя бонусы

Матэрыялы дасяжныя на платформе курса. Пасля праходжання гісторыі пра кожную з гераінь можна атрымаць паштоўку з атмасферай яе працоўнага месца. Паштоўкі прыдумаў і стварыў беларускі мастак Юры Таўбкін.

Акрамя гэтага, гісторыі жанчын можна слухаць на Spotify