16-18 снежня ў межах Тыдня польскага тэатра ў Мінску пройдзе майстар-клас з акторамі тэатра «Бюро Падарожжаў» (Познань). Удзел у майстар-класе вольны, але па пяпярэднім запісе (на скрыню nikabeljakova@yandex.by).

Амбасада Рэспублікі Польшчы ў Рэспубліцы Беларусь, Асацыяцыя маладых творцаў «Да Тэатра» і медыя праект «pARTisan» у межах Тыдня польскага тэатра ў Мінску запрашаюць прыняць удзел у майстар-класе тэатра «Бюро Падарожжаў» (Познань) «УЯЎНАЕ І РЭАЛЬНАЕ».

16-18 снежня (серада-пятніца), пачатак у 14-00

Цэнтр беларускай драматургіі (Крапоткіна, 44)

Асноўнай ідэяй майстар-класа з’яўляецца канцэпцыя актора як псіхасаматычнай цэласнасці, заснаваная на адначасовай дзейнасці цела і свядомасці ў момант мастацкай творчасці.

Майстар-клас падзелены на дзве часткі. Першая падкрэслівае неабходнасць выкарыстоўваць усё цела ў якасці асноўнага інструмента ў акторскай прафесіі без дапамогі тэксту. Другая частка развівае акторскае ўменне імправізаваць з тэкстам і вакалам, а таксама скіраваная на стварэнне эцюдаў з выкарыстаннем выяваў і словаў.

Правядуць майстар-клас акторы тэатра Марта Стшалка (Marta Strzałko) і Ярэк Сяйкоўскі (Jarek Siejkowski).

Удзел у майстар-класе вольны!

Увага! Па папярэднім запісе. Заяўкі дасылайце на скрыню nikabeljakova@yandex.by.

Напішыце, калі ласка, сваё імя, тэатральны/прафесійны досвед, матывацыю, а таксама чаканні ад майстар-класа.  Дадатковую інфармацыю можна будзе атрымаць пазней. Звяртаем вашую ўвагу, што для ўдзела ў майстар-класе патрэбны базавы ўзровень фізычнай падрыхтоўкі. Дэдлайн для заяўкі 10 снежня.

«Бюро Падарожжаў» — шматразова ўзнагароджаная альтэрнатыўная тэатральная трупа, заснаваная ў 1988 годзе Паўлам Шкотакам (Paweł Szkotak) у Познані. Ад самага пачатку тэатр быў скіраваны на сацыяльныя і палітычныя тэмы, выкарыстоўваючы жэст, фізічнае дзеянне, візуальны перформанс, музыку і тэкст. Спектаклі паказаныя ў 50 краінах свету.

Падрабязней пра тэатр 

Фотаздымкі: са спектаклю “Carmen Funebre” © «Бюро Падарожжаў»