Арганізатары бясплатнага канцэрту з удзелам Лявона Вольскага да гадавіны Слуцкага паўстаньня пачалі зьбіраць грошы – паведамляе Свабода.
На правядзеньне імпрэзы патрэбна прыкладна 2 000 рублёў. Сродкі пойдуць на выдаткі, зьвязаныя з арэндай залі і апаратуры, а таксама на аплату паслугаў міліцыі і мэдыкаў.
Як паведамляла Свабода, 24 лістапада а 14-й гадзіне на сцэне слуцкага Дому культуры выступяць Лявон Вольскі, гурты «Харачакра» і ZANZIBAR.
Канцэртны постэр Лявона Вольскага
Арганізатары атрымалі дазвол ад мясцовых уладаў. Аднак, па словах заснавальніцы і сябры Рады грамадзкага руху «Дзея» Аліны Нагорнай, на гэтым удзел дзяржавы скончыўся. На плечы ініцыятараў пераклалі аплату паслугаў міліцыі і мэдыкаў (больш за 200 рублёў), арэнду Дому культуры (180 рублёў) і камунальных паслугаў (больш за 200 рублёў).
Таксама адміністрацыя ўстановы адмаўляецца даць апаратуру, бо яна нібыта сапсавалася ў якраз у дзень канцэрту патрабуе рамонту. У цэлым на правядзеньне канцэрту неабходна каля 2000 рублёў.
Аліна Нагорная
«Хоць нас паставілі ў складаныя ўмовы, але гэта не палохае — Слуцкім паўстанцм было шмат горш, — гаворыць Аліна Нагорная. — Мы, як і ў 1920-м, спадзяемся на падтрымку беларусаў, якія ўсьведамляюць: без Слуцкага паўстаньня Беларусь не рэалізавалася б як дзяржава, а гэта ў выніку пазбавіла б нас сёньняшняй незалежнасьці. Для Слуцку гэты канцэрт наогул унікальны, бо ўсе прызвычаіліся, што нешта вартае адбываецца ў вялікіх гарадах, пераважна ў сталіцы».
Канцэрт арганізуюць прадстаўнікі шэрагу незалежных ініцыятываў і арганізацыяў: «Дзея», «Часовая Рада Случчыны», «Будзьма» і «Умовы для мовы». Каб знайсці патрэбную суму, арганізатары запусьцілі збор сродкаў.
Як падтрымаць ініцыятыву
Банкаўскія карткі
«Беларусбанк»: нумар карты 4255 2003 0608 7156 (тэрмін дзеяньня 11/21)
«БПС-Сбербанк»: нумар карты 5435 5311 1276 2768 (тэрмін дзеяньня 09/20)
«Priorbank»: нумар карты 4916 9896 0318 9084 (тэрмін дзеяньня 03/21)
Для пераводу грошай з картак іншых банкаў можна выкарыстоўваць сэрвіс МТБанка (https://perevod.mtbank.by/) або Белгазпрамбанка (https://p2p.bgpb.by/transfercore/#/card2card).
PAYPAL
Зьвязвайцеся праз Facebook, Telegram, VK: anahornaja
«Белпошта»
Western Union
Зьвязвайцеся праз Facebook, Telegram, VK: anahornaja
Асабіста
Зьвязвайцеся праз Facebook, Telegram, VK: anahornaja
