Старшыня Таварыста Беларускай мовы Алена Анісім паведаміла на старонцы свайго Facebook, што арганізацыя пакінула памяшканне свайго офіса.
“Ну вось і развіталіся мы з офісам ТБМ, у якім ад самага пачатку дзейнасці збіраліся рупліўцы роднага слова. За гэты час адбылося шмат розных сустрэч, выставаў, круглых сталоў і дыскусій. Сёння я здала цалкам пустое памяшканне іх уласніку, аддала ключы. А ўчора мы зрабілі фота на памяць. Перагорнута старонка нашай гісторыі. У душы смутак ад усяго, што адбылося. Тым не менш, мы верым, што ў нашых руках наша будучыня. Мы ўпэўнены ў тым, што наш народ і родная беларуская мова варты найлепшай долі. На гэта і накіруем свае намаганні” – зазначыла Анісім.
Таварыства Беларускай Мовы было адным з найстарэйшых грамадскіх аб’яднанняў, яго заснавалі ячшэ за часамі БССР. Падтрымка і развіццё беларускай мовы і культуры былі асноўнымі накірункамі дзейнасці арганізацыі. 8 лістапада 2021 года Мінюстыцыі Рэспублікі Беларусь прыняў пастанову аб ліквідацыі грамадскай арганізацыі, яшчэ раней у ТБМ узніклі фінансавыя цяжкацкі, камунальныя пазыкі склалі суму каля 20 тысяч рублёў.
