11 мая 2021 года ў будынку касцёла ўзнік моцны пажар. Агонь знішчыў дах, пашкодзіў скляпенні і іншыя будаўнічыя канструкцыі. Унутры касцёла быў пашкоджаны алтар, жывапіс і арган. Беларусы за 4 дні сабралі сродкі на аднаўлення храма.
Рамонтныя працы пачаліся амаль адразу, аднаўляюць дах, умацоўваюць і аднаўляюць купал, алтарную частку.
У касцёле з Новага года ідуць службы, славуты будслаўскі арган пакуль у непрацоўным стане, таму замест яго выкарыстоўваюць больш сучасны музычны інструмент.
У храме зараз стаяць будаўнічыя рыштаванні.
«Без вашай дапамогі было б немагчыма рэалізаваць ўсё тое, што зроблена за мінулы год. Вялікі вам дзякуй!» — піша ў тэлеграм-канале праекта «Адновім Будслаў разам!» плябан касцёла ксёндз Дзмітрый Дубовік.
З 10 мая па 3 чэрвеня 2022 года касцёл зачынены, будуць праводзіцца рэстаўрацыйныя працы па аднаўленню купала.
Здымкі ўзятыя з тэлеграм-канала грамадскай ініцыятывы «Адновім Будслаў разам!».
