Грамадская культурніцкая кампанія «Будзьма беларусамі!» прэзентуе Вялікі беларускі тур DRUM ECSTASY. Традыцыйна сваю новую канцэртную праграму гурт DRUM ECSTASY спачатку прадставіць еўрапейскаму гледачу, а пасля скіруецца ў паездку па Расіі і Украіне.
– Звычайна найперш мы едзем у Еўропу, каб паказаць новую праграму там, а пасля ўжо на радзіме і ў Расіі, – кажа Філіп Чмыр, лідэр DRUM ECSTASY, – але ў гэтым годзе мы вырашылі пачаць з найбольш нам блізкай еўрапейскай краіны – з Беларусі. Мы запланавалі з дзесятак канцэртаў пачынаючы з сярэдзіны мая, так што нашу новую праграму «Слухаць гучна» пачуюць гучна ва ўсіх буйных гарадах краіны. У тур па краіне мы не выбіраліся з 2007 году, таму сваю новую праграму прадставім беларускім слухачам з асаблівым натхненнем. Мы сыграем не толькі тое, што толькі што запісалі, але і абыграем песні для наступнай праграмы.
Адкрые тур канцэрт 15 мая ў гомельскім клубе «NEMO».
Далей у спісе – 22 мая горад Баранавічы, клуб «Спёка» («Жара»).
5 чэрвеня – Салігорск.
19 чэрвеня – брэсцкі клуб «ZIO PEPE». Далей – Віцебск, Наваполацк, Магілёў, Пінск ды іншыя гарады Беларусі.
Сачыце за афішай.
