«Бізон Гіґс» — прэмія супольнасці беларусаў для беларускіх навукоўцаў у галіне натуральных, дакладных навук, або навук пра Зямлю. Тут кожны можа ўзяць удзел — ці як навуковец, ці як той, хто падтрымлівае.
У прэміі можна узяць удзел як мінімум трыма спосабамі:
Першы. Заявіць беларусаў, якія працуюць у галіне навукі і нечага дасягнулі ці бяруць удзел у чымсьці, на ваш погляд, важным. Важнасць абірае любы беларус і заяўляе навукоўца.
Другі. Прызавы фонд фармуецца цалкам з унёскаў супольнасці навукоўцаў і прыхільнікаў. Кожны грамадзянін можа падтрымаць Прэмію фінансава на баймікофі ці на Гронцы.
Трэці спосаб. У адпаведны ў графіку час з’явіцца спіс намінантаў. Тут можна прагаласаваць за свайго навукоўца.
Графік
Крок 1. Лістапад — снежань 2024. Збіраюць грошы на прэмію.
Крок 2. Снежань 2024. Прымаюць заяўкі на намінантаў.
Крок 3. Студзень — люты 2025. Галасуюць за заяўленых асобаў.
Фінал. 15 сакавіка 2025. Узнагарода пераможцы(аў). Дэталі будуць на старонках прэміі ў сацсетках
*Рэгламент прэміі — у Pamyłka № 3 па спасылцы.
