З 22 па 24 красавіка Беласточчыну наведае шмат беларусаў з Радзімы. Прадстаўнікі беларускіх выдавецтваў “Кнігазбор”, “ARCHE”, “Янушкевіч” і “Галіяфы” возьмуць удзел у Пятым міжнародным кніжным кірмашы ў Беластоку. Паэты Віталь Рыжкоў і Юры Несцярэнка праедуцца па беларускіх школах і перададуць у бібліятэкі гэтых школ самыя каштоўныя падарункі ад Згуртавання беларусаў свету “Бацькаўшчына” – кнігі.
Навінкі беларускага кніжнага друку вы зможаце знайсці на адмысловым стэндзе беларускіх выдавецтваў на Пятым міжнародным кніжным кірмашы ў Беластоку! А з беларускімі літаратарамі вы можаце сустрэцца адпаведна праграмы:
21 красавіка 2016
10:30 – Комплекc школ з дадатковым навучаннем беларускай мовы імя Яраслава Кастыцэвіча ў Бельску Падляскім
12:30 – II Агульнаадукацыйны Ліцэй з беларускай мовай навучання імя Браніслава Тарашкевіча ў Бельску Падляскім
22 красавіка 2016
Цэнтр адукацыі і прамоцыі беларускай культуры ў Шчытах
9:00 – вучні комплекса школ ў Чыжах
10:30 – вучні комплекса школ ў Орлі
12:00 – вучні комплекса школ ў Нарве
Музей і асяродак беларускай культуры ў Гайнаўцы
14:00 – сустрэча з вучнямі Агульнаадукацыйнага Ліцэя з дадатковым навучаннем беларускай мовы ў Гайнаўцы
Арганізатарам і партнёрам МГА “ЗБС “Бацькаўшчына” па правядзенні літаратурных сустрэчаў у беларускіх школах Падляшша з’яўляецца Беларуская інтэрнет-бібліятэка Kamunikat.
