Часопіс “Маладосць” абвяшчае набор матэрыялаў у “габрэйскі” нумар!
Проза і паэзія на тэмы, звязаныя з гісторыяй, культурай, традыцыямі і сучаснасцю ў азначанай тэме, а таксама творы саміх прадстаўнікоў гэтага ўнікальнага народа прымаюцца да 1 лістапада, каб з’явіцца на старонках часопіса не пазней чым у № 1 за 2016 год. Будзем таксама рады атрымаць тэксты ў блокі “Крытыка” і “Публіцыстыка”. Зробім першы “габрэйскі” нумар разам! І гэта будзе першы каляровы нумар “Маладосці” на мелаваных старонках!
Часопіс “Бярозка” запрашае стаць аўтарам унікальнага праекта!
Запрашаем “падлеткавых” пісьменнікаў пашамацець па шуфлядах ці перабраць файлы і знайсці такую аповесць (менавіта аповесць), якая будзе друкавацца доўга (не менш як паўгоддзе), а чытацца літаральна так, што наступнага нумара “ледзь дачакаешся”. Аповесць-экшн, аповесць-прыгода, аповесць-звышфэнтазі, сапраўдны падлеткавы бестселлер “Бярозка” загоніць у рамкі новага ўнікальнага праекта “Аповесць-канструктар”. Падрабязнасці — у № 12 і толькі пасля таго, як ваша аповесць дойдзе да рэдакцыі. Спяшайцеся!
