Канец кастрычніка – пачатак лістапада рэдка радуе добрым надвор’ем. Але і гэтая пара часам дорыць незабыўныя ўражанні. Напрыклад, ад вечаровай прагулкі падчас моцнага туману.
Густы вечаровы туман – цудоўная дэкарацыя для звыклых краявідаў. Пах прэлай лістоты, нібы ў старой вясковай лазні. І нязвыклае святло ліхтароў, якое прабіваецца праз пасмы вільгаці. Адным словам, сачыце за прагнозам надвор’я, каб не прапусціць гэтую прыгожую ва ўсіх сэнсах атмасферную з’яву.