Хутка выйдзе з друку асобнай кнігай новы раман Сашы Філіпенкі «Крэмулятар» пра Маскоўскі крэматорый. Кнігі яшчэ няма, а «абражаныя ўнукі» ўжо збіраюцца падаць у суд на пісьменніка. Пра гэта Саша Філіпенка напісаў на сваёй старонцы ў Фэйсбук.
«Прыйшла вокладка. Праз тыдзень «Крэмулятар» з’явіцца ў продажы, хаця ўжо зараз раман можна прачытаць у часопісе «Знамя». Кнігі яшчэ няма, а навіны ўжо маюцца: правы на пераклад ужо прададзеныя ў Нямеччыну, калі верыць Журнальнай зале — «Крэмулятар» — самая запатрабаваная навінка ў катэгорыі «проза» за люты 2022 сярод усіх тоўстых літаратурных часопісаў.
Магчыма, менавіта гэтым можна растлумачыць той факт, што яшчэ да выхаду кнігі ўнучка галоўнага героя (Пятра Ільіча Несцярэнкі) паспела прачытаць раман і зараз збіраецца падаваць на мяне ў суд», — напісаў Філіпенка.
«Кніга яе настолькі абразіла, што (цытата) зараз яна не можа спаць. У сувязі з гэтым, унучка першага дырэктара Маскоўскага крэматорыя мае намер патрабаваць у судзе (верагодна ў нямецкім, таму што яна жыве ў Германіі) забароны публікацыі рамана (рамана, Карл!). Хочацца верыць, што падцягнуцца і іншыя абражаныя ўнукі і персанажы, якія настальгуюць па СССР. <...>
Сустрэнемся ў кніжных, ну ці ў судзе!»
