Мэта падзеі — стварыць агульную базу дадзеных культурных дзеячаў і арганізацый, якія знаходзяцца ў эміграцыі, а таксама задаць пытанні і выказаць прапановы, што тычацца развіцця беларускай культуры сёння.
Падчас Кангрэса, які пройдзе ў Варшаве, арганізатары хочуць стварыць агульную базу дадзеных культурных дзеячаў і арганізацый, а таксама каляндар культурных падзей. У кожнага ўдзельніка будзе магчымасць зрабіць свае прапановы і задаць пытанні.
Каб атрымліваць інфармацыю пра арганізацыю кангрэса, а потым — прыняць удзел, трэба запоўніць анкету.
«ІнБелКульт» пазіцыянуе сябе як платформа для творчых, адукацыйных, выдавецкіх і навуковых працэсаў. Галоўным чынам праект падтрымлівае беларусаў за мяжой, аднак прадугледжвае супрацу і з тымі прадстаўнікамі культуры, якія пацярпелі ад рэжыму і застаюцца ў Беларусі.
Інстытут плануе стварыць спецыяльныя стыпендыяльныя праграмы для культурных дзеячаў. Таксама на базе арганізацыі хочуць стварыць беларускамоўныя курсы для людзей усіх узростаў і нацыянальнасцей.
Праекты, якія ўжо існуюць у межах фундацыі:
- Вольны Хор
- Беларуская школа мастацтваў імя Міколы Равенскага
- Concordia Choir.
