У 108-ю гадавіну абвяшчэння Беларускае Народнае Рэспублікі ўшанавальная акцыя адбылася ў Чэхіі. На пражскіх могілках, дзе спачываюць прэзідэнты БНР Пятро Крэчэўскі і Васіль Захарка, сабраліся беларусы, каб ускласці кветкі барацьбітам за незалежнасць нашае Радзімы.
Дзень Волі-2026 у Празе, Чэхія. Фота: Павал Хадзінскі
З прывітальным словам да прысутных звярнуліся намеснік Старшыні Рады Беларускае Народнае Рэспублікі Сяргей Навумчык, прадстаўніца дэмакратычных сілаў у Чэхіі Крысціна Шыянок, а таксама прадстаўнікі мясцовых дзяржаўных органаў.
З Днём Волі, шаноўныя чытачы!
Павал Хадзінскі, Budzma.org
