Літаратурны фэст “ПЕРА-k-ЛАД” пройдзе ў гарадзенскай этнакраме “Цудоўня” 16-га чэрвеня. У праграме – прэзентацыя кніг найвядомейшых сусветных пісьменнікаў у беларускім перакладзе, вершы, музыка.
Марыя Мартысевіч прадставіць кнігі серыі “Амерыканка” і ў прыватнасці раман канадскай пісьменніцы Маргарэт Этвуд “Пенелапіяда”.
Перакладчыца Надзея Кандрусевіч прадставіць новыя кнігі шведскай дзіцячай пісьменніцы Юі Вісландэр “Мама Му паранілася” і “Крумкач кажа НЕЛЬГА!” ад новага дзіцячага выдавецтва “Коска”, а таксама кнігу шведскай пісьменніцы Гунілы Бэргстрэм “Суперкніга пра Біла з Болаю”.
Паэт і перакладчык Андрэй Хадановіч зачытае ўласныя вершы і прэзентуе пераклады паэзіі ірландца Ўільяма Батлера Ейтса і ўкраінца Сяргея Жадана.
Музычны госць – гарадзенец Алесь Дзянісаў. Музыка выканае песні на вершы Ейтса.
Імпрэза адбудзецца пры падтрымцы грамадскай кампаніі «Будзьма беларусамі!»
Падрабязнасці ў суполках Вконтакте і Facebook.
Калі: 16/06, 17.00
Дзе: этнакрама “Цудоўня” (Гродна, вул. Кірава, 3)
Уваход вольны!
