Шмат гадоў былыя мелавыя кар'еры ля пасёлка Краснасельскі — пад забаронай. Знаходзіцца, а тым больш купацца там — небяспечна для жыцця. Але вось нарэшце ў турыстаў, якіх вабяць незвычайныя для Беларусі краявіды, з'явіцца легальнае месца, дзе можна ўбачыць кар'еры і зрабіць фота на памяць, піша «Вечерний Гродно».
Зараз каля 14-й лінзы будуецца назіральная пляцоўка сіламі работнікаў ВУП «Цэмбуд». Усталявалі бяспечную платформу з агароджай, якая будзе перашкаджаць самавольнаму падыходу людзей да крутых схілаў кар'ера.
Турыстам дазволяць ладзіць фотасесіі, але вось адпачынак на беразе і купанне па-ранейшаму будуць пад забаронай. Зараз на аб'екце вядуцца завяршальныя работы, і хутка назіральная пляцоўка зможа прыняць першых наведвальнікаў.
Чытайце яшчэ:
Топ-10 самых адметных азёраў Беларусі і цікавыя факты пра іх