У Вільні на гары Гедыміна зноў магчымыя апоўзні — ападкі, цеплавыя рэкорды, маразы — усё гэта шкодзіць гары, у якой захоўваецца вільгаць. Больш за ўсё турботы выклікае паўднёва-ўсходні схіл гары, піша delfi.lt. Прадстаўнік музея расказаў, што нічога зрабіць нельга, паколькі праект па прывядзенню гары ў парадак «затрымаўся» ў судах.
Надвор’е ў Літве пастаянна мяняецца — фіксуюць рэкорднае цяпло, а потым пахаладанне. Такое надвор’е шкодзіць гары Гедымина, паведамляе LNK.
«Надвор’е зараз пераменлівае, нешта прагназаваць складана. У снежні было шмат ападкаў, было шмат снегу. Але ён хутка растаў, вільгаць увабралася ў гару. Паводле падлікаў, размова ідзе каля 80 см вады ў схілах. Але ў нас ёсць добрая навіна, на глыбіні зямля прамерзла, а гэта крыху абараняе ад ападкаў. Спадзяемся, што абыдзецца без апоўзняў», — сказаў намеснік дырэктара Нацыянальнага музея Вайдас Петракас.
Ён нагадаў, што летась былі два апоўзні. «Паралельна мы замацавалі і схілы, паклалі сетку. Мы вельмі спадзяемся, што гэтыя часовыя ўмацаванні выстаяць. Пакуль асаблівых дэфармацыяй няма. Але бывае, калі нас сістэма папярэджвае, тады мы прэвентыўна нацягваем сетку. Але ў мінулым годзе, напрыклад, было так шмат ападкаў, што сістэма не паспела адрэагаваць», — распавёў Петракас.
Ён сказаў LNK, што на гары ўстаноўлена 230 датчыкаў, якія рэагуюць на дэфармацыю. «У нас ёсць геолаг, які кожны панядзелак і пятніцу, а калі трэба — і часцей, аглядае гару фізічна, пасля гэтага мы ацэньваем сітуацыю», — сказаў Петракас. Паводле яго слоў, не заўсёды ўдаецца адрэагаваць на сітуацыю. «Калі выпадае вялікая колькасць ападкаў, нічога зрабіць нельга. Мы прадчувалі такія апоўзні, і яны былі ў мінулым годзе. Шчыра кажучы, былі ў лютым і ў чэрвені мінулага года, у чэрвені выпала вельмі шмат ападкаў, тады ападкі нанеслі немалую шкоду ва ўсёй Літве», — сказаў Петракас. Ён заўважыў, што больш за ўсё турботы выклікае паўднёва-ўсходні схіл гары. Петракас нагадаў, што музей судзіцца з праекціроўшчыкам, які павінен быў старанна спраектаваць работы. «Праектаванне доўгатэрміновых мер трапіла ў юрыдычную пастку. Мы спадзяемся, што гэта як мага хутчэй вырашыцца», — сказаў ён LNK.
