Калі вы раптам яшчэ не вызначыліся, як цікава і з карысцю правесці выходныя, мы падкажам. Юр’я ў Азярцы, майстар-клас па традыцыйнай вышыўцы і музейная нядзеля з Броўкам у Мінску, экскурсія па жаночай Гародні, творчая сустрэча з Šuma у Берліне, веснавое свята з Сержуком Доўгушавым у Сан-Францыска, выстава «Паўстанцы 1863–1864 гадоў» у Вільні, беларускія спевы на вольным паветры ў Варшаве, канцэрты, выставы, спектаклі — выбірайце падзеі ў сваім горадзе і на свой густ.
Беларусь
Мінск і Мінская вобласць
Майстар-клас па традыцыйнай вышыўцы ў Мінску
У суботу, 11 траўня, у галерэі «Цэнтр» ладзяць майстар-клас па традыцыйнай вышыўцы.
Майстар-клас праводзіць Галіна Рудніцкая, слынная даследчыца традыцыйнай вышыўкі.
У 12:00 будзе лекцыя з прэзентацый па тэхніках процягу і насцілу (кошт удзелу — 3 рублі).
У 13:30 будзе і майстар-клас «вышыўка ў тэхніках процяг і насціл» (Удзел — 15 рублёў, усе матэрыялы ўключаны).
Музейная нядзеля з Броўкам у Мінску
У нядзелю, 12 траўня, у літаратурным музеі Петруся Броўкі — музейная нядзеля да Дня сям’і.
На працягу ўсяго дня кожная сям’я атрымае магчымасць за адзіны квіток наведаць музей і паўдзельнічаць у гульнях для дзяцей і дарослых.
У праграме:
Настолка «Растлумач мне, калі ласка!» дазволіць весела і цікава праверыць эрудыцыю і папрактыкаваць беларускую мову з дапамогай сінонімаў, антонімаў, намёкаў, гукаў, рухаў — і добрага настрою.
Занятак «Калі саджуся за паперу» дасць магчымасць адчуць сябе пісьменнікам мінулага стагоддзя. Вы зможаце навучыцца друкаваць на пішучай машынцы і надрукуеце вершы Петруся Броўкі.
Юр’я ў Азярцы
У суботу, 11 траўня, у музеі народнай архітэктуры і побыту ў Азярцы святуюць Юр’я.
Юр’я — свята ў гонар заступніка жывёл, ахоўніка жывёлагадоўлі і земляробства.
У народзе лічылася, што Святы Юрый адмыкае залатымі ключамі зямлю і выпускае расу. З гэтага дня ўсё жывое пачынае расці з асаблівай моцай.
Цудадзейная юраўская раса забяспечвала гаспадарам дастатак: «Калі будзе раса — хопіць коням аўса».
Гаспадары ў гэты дзень першы раз выганялі статак на поле, здзяйснялі рытуальныя абыходы сваёй нівы, вадзілі карагоды, каб засцерагчыся ад пажараў і навальніц.
Далучайцеся да свята, каб разам паўдзельнічаць у адметных абрадах у гонар Юр’я.
Гродна
Прыгожыя і стылёвыя: экскурсія па жаночай Гародні
У суботу, 11 траўня, музей гісторыі рэлігіі паўтарае файны шпацыр па жаночай Гародні канца XIX — пачатку ХХ стагоддзя.
Чаму жанчынам забаранялі насіць капелюшы?
Ці праўда, што Эліза Ажэшка любіла коцікаў?
Дзе ў Гродне размяшчаліся б’юці-салоны?
Прыходзьце, каб даведацца процьму цікавостак!
Вас чакае: ⠀
шпацыр па малавядомых месцах горада;
дэгустацыя аўтарскага дэсерту;
экскурсія па выставе жаночых партрэтаў;
квэставая гульня;
прыём і чаяванне ў шляхецкім доме. ⠀
Германія
Берлін
Творчая сустрэча з Šuma у Берліне
У аўторак, 14 траўня, у Берліне адбудзецца творчая сустрэча з праектам Šuma ў межах цыклу сустрэч TINY CONCERTS AND TALKS.
Удзельнікі праекта Марына Шукюрава і Аляксей Будзько паразмаўляюць з мадэратарамі Інай Валіцкай і Хрысцінай Дарапей пра пратэсты, іх ангажаванасць і погляд на грамадска-палітычную і (поп)культурную сытуацыю ў Беларусі і на эміграцыі.
ЗША
Санк-Францыска
Веснавое свята з Сержуком Доўгушавым!
Хто ў Сан-Францыска? Прыходзьце на веснавое свята для дзетак i дарослых з удзелам вядомага музыкі Сержука Доўгушава.
У праграме:
Прэзентацыя «Дзіцячага спеўніка» (спеўнік можна будзе набыць).
Музычна-інтэрактыўная праграма.
«Валачобны абрад» упершыню ў Каліфорніі.
Беларускія гульні, спевы і танцы!
Літва
Вільня
Уводзіны ў квір-літаратуру з Уладзем Гарбацкім у Вільні
У суботу, 11 траўня, беларускі чытацкі клуб у Вільні запрашае на сустрэчу з выдаўцом Уладзем Гарбацкім.
Гаворка пойдзе пра квір-літаратуру з нагоды гучнай кнігі «Мальцы выходзяць з-пад кантролю», у падзагалоўку якой значыцца «анталёгія беларускага гей-пісьменства».
Укладальнік і рэдактар кнігі Уладзіслаў Гарбацкі, сацыялінгвіст, палітолаг, пісьменнік і перакладчык — адзін з першых у Беларусі даследчыкаў і публіцыстаў у галіне гендарных і ЛГБТК+ даследаванняў, гендарнай сацыялінгвістыкі, палітычнага фемінізму.
У анталогіі сабраная проза Тамаша Зана і Адама Міцкевіча, Пятро Мятлы і Адама Глёбуса, Вячаслава Бортніка і Альгерда Бахарэвіча, Зьміцера Александровіча, Вольгі Касьцюк і Янко з Мазовіі, а таксама самога Уладзіслава Гарбацкага.
На думку спадара Уладзя, «надышоў час беларускай літаратуры адкрыць вочы на саміх сябе і свет, не хавацца ад шматлікіх праяў жыцця і не займацца маралізатарствам».
То прапануюць чытаць і абмяркоўваць і кнігу, і закранутыя і ў ёй, і ёю тэмы — для каго казытлівыя, для каго вострыя, для каго магчыма нават правакацыйныя.
Выстава «Паўстанцы 1863–1864 гадоў» у Вільні
У палацы Вялікіх Князёў працуе інтэрактыўная выстава «Паўстанцы 1863–1864 гадоў».
Выстава складаецца з 16 павільёнаў і мультымедыйнага купала ў гонар Кастуся Каліноўскага, аднаго з камандзіраў паўстання 1863 года.
Польшча
Варшава
Беларускія спевы на вольным паветры ў Варшаве
У суботу, 11 траўня, беларусаў Варшавы клічуць спяваць беларускія традыцыйныя песні з хорам «Спевы з-пад моста» і спявачкай Русяй Shuma.
Вас чакае спеўны івэнт «Стряла», прысвечаны старажытнаму беларускаму абраду «Ваджэнне Стрялы».
Ён сімвалічна замыкаў вясну, адкрываў лета і бараніў вёску ад ліхой долі, маланкі, дрэннага ўраджаю і навальніцы.
У праграме:
мікра-лекцыя пра свята
традыцыйныя спевы веснавога і летняга перыяду
фрагмент рэканструкцыі абрада
вогнішча
рытуальнае спальванне дрэннага ў мінулым.
Кракаў
Беларускія танцы з капэлай «Bliskа» ў Кракаве
У суботу, 11 траўня, у Кракаве клічуць танчыць беларускія танчыкі з капэлай «Bliskа».
Вазьміце толькі з сабой добры настрой, зменную вопратку і зручны абутак, пажадана з невялікім абцасам і слізкай падэшвай.
Эстонія
Талін
Юля Цімафеева, Альгерд Бахарэвіч, Сяргей Шупа і Андрэй Янушкевіч у Таліне
У Таліне, 11 траўня, усіх жадаючых чакаюць Юля Цімафеева, Альгерд Бахарэвіч, Сяргей Шупа і Андрэй Янушкевіч на літаратурнай сустрэчы.
У праграме:
Прэзентацыі кнігі Юлі Цімафеевай «Мінскі дзённік», а таксама паэтычнага зборніка «Воўчыя ягады» і паэмы Ільлі Камінскага «Рэспубліка глухіх», якую яна пераклала на беларускую мову разам з Вальжынай Морт.
Сяргей Шупа прадставіць новыя кнігі «Вясны»: свае пераклады Мойшэ Кульбака («Зэлменяне»), Юргіса Кунчынаса («Туўла») і Антанаса Шкемы («Белы саван»).
Андрэй Янушкевіч раскажа пра навінкі беларускага кнігавыдання і стан, у якім працуюць беларускія выдавецтвы, а таксама прывязе свежанадрукаваныя кнігі.
Альгерд Бахарэвіч пазнаёміць усіх прысутных з новым прыгодніцкім раманам «Капітан Лятучая Рыба».
Больш беларускіх падзей шукайце ў нашай АФІШЫ.
Калі сярод прапанаваных варыянтаў не знайшлося нічога па душы, раім выправіцца ў вандроўку па Беларусі. Скласці цікавы маршрут дапаможа наша рубрыка «Вандруем разам».
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
А па гэтай спасылцы можна знайсці афішу бясплатных мерапрыемстваў.
