Калі вы раптам яшчэ не вызначыліся, як цікава і з карысцю правесці выходныя, мы падкажам. Сямейны фестываль у Мінску, свята «Першы ўкос» у Азярцы, рыцарскі фэст у Крэўскім замку, Гудзевіцкі фэст, прысвечаны ткацтву, пад Мастамі, шпацыр па Гародні, чытанні да 100-годдзя Васіля Быкава ў Лондане, міжнародныя паэтычныя чытанні ў Берліне, прэм’ера фільма Мары Тамковіч «Пад шэрым небам» у Н'ю-Ёрку, фестываль этнакультур у Вільні, канцэрты, выставы, спектаклі — выбірайце падзеі ў сваім горадзе і на свой густ.
Беларусь
Мінск і Мінская вобласць
Сямейны фестываль Bookids у Мінску
Гэтымі выходнымі, 15 і 16 чэрвеня, у Мінску зноў сямейны фэст Bookids. Гэтым разам яго тэма — прафесіі.
На розных пляцоўках, раскіданых па батанічным садзе, дзеці змогуць даведацца пра розныя прафесіі: паспрабаваць сябе паспрабаваць сябе ў ролі дыктара аўдыёкніжак, сямейнага гіда, горнага інжынера і падатковага інспектара, а яшчэ ў прафесіях IT-сферы, пабыць кампазітарамі, ганчарамі, газаўшчыкамі, мастакамі-керамістамі і г. д.
Будзе больш за 100 прафесій — і мноства тэматычных пляцовак, майстар-класаў і іншых актыўнасцей.
Падрабязней глядзіце па спасылцы.
Свята «Першы ўкос» у Азярцы
У суботу, 15 чэрвеня, у музеі народнай архітэктуры і побыту ў Азярцы спраўляюць свята «Першы ўкос».
Першы ўкос — гэта спрадвечнае і важнае свята для нашых продкаў. На першы ўкос збіраліся ўсёй вёскай на вялікую талаку. Талакой называлі працоўную ўзаемадапамогу пры выкананні найбольш працаёмкіх работ у гаспадарцы. На талацэ, акрамя працы, людзі разам адпачывалі і спажывалі ежу, што таксама мела магічны сэнс.
Сумеснае спажыванне кашы на полі павінна было прынесці ўрадлівасць зямлі і дабрабыт чалавеку, а таксама нагадвала пра прыналежнасць кожнага ўдзельніка талакі да агульнага калектыву.
Частаванне напоямі сімвалізавала замаўленне вільгаці і плёну, паліванне вадой рук — забеспячэнне палеткаў вільгаццю.
У час працы і на застоллі спявалі талочныя ці застольныя песні.
Вас чакае:
Расповед пра свята першага ўкоса, прылады працы на сенакосе і нарыхтоўку сена;
Талочныя і застольныя беларускія песні;
Урачыстае шэсце;
Конкурс на самага лепшага касца;
Майстар-клас па пакосу травы;
Майстар-клас па вырабу лялькі з травы;
Выстава «Традыцыйныя прылады сельскай гаспадаркі»;
Беларускія танцы і гульні пад скрыпку і гармонік.
Гродна і Гродзенская вобласць
Рыцарскі фэст у Крэўскім замку
У суботу, 15 чэрвеня, у Крэўскім замку — рыцарскі фэст «КРЭВА: на скрыжалях часу»!
Бітвы, танцы, парад і дударскі батл — усё як мы любім!
Гудзевіцкі фэст пад Гародняй
У суботу, 15 чэрвеня, у Гудзевічах пад Мастамі пройдзе традыцыйны Гудзевіцкі фэст, прысвечаны ткацтву.
Вас чакае:
майстар-класы па ткацтве ад носьбітаў і пераемнікаў традыцый;
летняя школа «Майстэрства падвойнага ткацтва»;
выстава тэкстыльных вырабаў пад адкрытым небам;
прэзентацыя ручніка Гродзенскай вобласці;
канцэрт, прысвечаны 485-гадоваму юбілею вёскі Гудзевічы;
стол яднання і сяброўства «Смачна есці»;
анімацыйная праграма «Лявоніха і Сымоніха запрашаюць»;
праца атракцыёнаў, святочны гандаль і многае іншае.
Сентыментальны шпацыр па габрэйскай Гародні
У нядзелю, 16 чэрвеня, гарадзенскі музей гісторыі рэлігіі зноў кліча на экскурсію па гістарычных габрэйскіх куточках Гродна.
Што вас чакае: ⠀
экскурсія па малавядомых месцах горада
сінагога
музей гісторыі рэлігіі
дэгустацыя страў габрэйскай кухні.
Вялікабрытанія
Лондан
Чытанні на 100-годдзе Васіля Быкава ў Лондане
У суботу, 15 чэрвеня, Скарынаўская бібліятэка ладзіць чытанні да 100-годдзя Васіля Быкава. Можна далучыцца і анлайн.
Прыходзьце ўшанаваць памяць Васіля Быкава, падзяліцца думкамі пра яго жыццё і творчасць ды пачытаць улюбёныя тэксты.
Ці далучайцеся праз зум па спасылцы.
Германія
Берлін
Чытанні з удзелам Светы Бень у Берліне
У нядзелю, 16 чэрвеня, праект Weiter Schreiben ладзіць у Берліне міжнародныя паэтычныя чытанні.
Вас чакае live-перформанс на музейным летніку. Чатыры паэты — Rasha Habbal, Mazda Mehrgan, Dima al-Bitar Kalaji і Света Бень — прэзентуюць свае тэксты на мовах арыгіналу: арабскай, персідскай, беларускай.
А літаратарка Аніка Райх і тэатральная дзяячка Крысціяна Кюль прадставяць іх у нямецкім перакладзе.
Выступы будзе суправаджаць музыка, а таксама візуальны перформанс ад мастака Марва Юнес Алмакбеля.
ЗША
Н'ю-Ёрк
Прэм’ера фільма «Пад шэрым небам» у Н’ю-Ёрку
У Н’ю-Ёрку, 15 чэрвеня, на кінафэсце «Tribeca» адбудзецца прэм’ера фільма Мары Тамковіч «Пад шэрым небам», які распавядае гісторыю палітвязынкі Кацярыны Андрэевай.
Літва
Вільня
Алесь Дзянісаў і Алесь Яшчанка ў Вільні
У суботу, 15 чэрвеня, у Беларускім доме граюць супольны канцэрт Алесь Дзянісаў з «Дзецюкоў» і Алесь Яшчанка з «Міністэрства любові».
Абяцаюць найлепшыя хіты і знакавыя беларускія песні, а таксама гутаркі ды жартачкі.
Карацей будзе ўсё як мы любім — як такое прапусціць!
Фестываль этнакультур «etnoARTvė festivalis» у Вільні
У суботу, 15 чэрвеня, у Вільні адбудзецца фестываль этнакультур «etnoARTvė festivalis».
Тут сустрэнуцца беларускія танцы, украінскія песні, літоўскія і яўрэйскія мелодыі.
Вось што ў праграме:
17.00 — 18.00
дыджэйскі сэт
стварэнне арт-аб’екта з Doctor Oy
дзіцячыя майстэрні
18.00 — традыцыйныя літоўскія і беларускія танцы ад клуба «Oyra»
19.00 — спевы з Сяржуком Доўгушавым
20.00 — выступленне мужчынскага традыцыйнага хору «Kasary»
21.00 — дынамічная музыка ад «Rakija Klezmer Band».
Польшча
Варшава
ПАДЗЕЯ ДНЯ: Фестываль беларускай культуры ў Познані
У суботу, 15 чэрвеня а 16-й, усіх запрашаюць на канцэрт беларускай музыкі.
А ў 19.00 абяцаюць квіз пра Беларусь! (З узнагародамі!)
Больш беларускіх падзей шукайце ў нашай АФІШЫ.
Калі сярод прапанаваных варыянтаў не знайшлося нічога па душы, раім выправіцца ў вандроўку па Беларусі. Скласці цікавы маршрут дапаможа наша рубрыка «Вандруем разам».
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
А па гэтай спасылцы можна знайсці афішу бясплатных мерапрыемстваў.