Выйшаў новы выпуск гістарычнага серыяла «Трызуб і Пагоня», прысвечанага самым цікавым старонкам супольнай гісторыі Беларусі і Украіны. Таямнічы свет войнаў і інтрыг, кахання і барацьбы за ўладу, смерці і нараджэння дзяржаў адкрывае гледачам тэлевядоўца і спявачка Кацярына Ваданосавай.
Беларусы і ўкраінцы жывуць у Польшчы не з 2014-га, 2020-га ці 2022-га, але — тысячу год. Калі ўласна Польшчы ў сучасных межах яшчэ не было, як і нацый у сучасным разуменні. Адсюль феномен Падляшша (Падляшскае ваяводства, цэнтр — Беласток) — месца сутыкнення гістарычнай Літвы, русінаў і палякаў.
Разбіраемся, па якіх прыкметах адрозніць беларусаў і ўкраінцаў Падляшша? Што такое бежанства 1915 года? Чаму ў XX стагоддзі беларусаў тут лічылі “камуністамі”? Чаму газеты і культурныя арганізацыі беларусаў і ўкраінцаў дазволілі тут адно ў 1956-м? Ці магчыма жыць далей у міры і згодзе?
Папярэднія выпускі «Трызуба і Пагоні» глядзіце па спасылцы.
Калі вам падабаюцца нашыя відэапраекты і аўтарскія артыкулы, вы можаце падтрымаць рэдакцыю «Будзьмы», набыўшы нам кубачак кавы. Гэта дапаможа нам стварыць больш цікавых відэаролікаў і арыгінальных артыкулаў.
Чытайце па тэме:
«Беларусізацыя» Падляшша. Ці магчымая? Ці патрэбна?..
