11 сакавіка ў Гродне на 91 годзе жыцця памёр адзін са старэйшых беларускіх літаратараў, вядомы навуковец, прафесар Аляксей Пяткевіч.

Развітанне з прафесарам Аляксеем Пяткевічам адбудзецца ў Гродне 14 сакавіка, у 9.45 ў двары дома па вул. Горкага, д.78. Затым з 10 па 11.45 – развітанне ў Вольгінскай царкве, што знаходзіцца на тэрыторыі Свята-Пакроўскага сабора, затым, да 12.30 адбудзецца адпяванне ў Свята-Пакроўскім саборы.

Аляксей Міхайлавіч будзе пахаваны на Радзіме, у мястэчку Новы Свержань Стаўбцоўскага раёна.

Нарадзіўся 30 сакавіка 1931 годзе, скончыў філфак БДУ і аспірантуру. Працаваў у Гродзенскім педагагічным інстытуце імя Янкі Купалы. Кандыдат філалагічных навук (1963), прафесар (1994).

Выступаў ў галіне крытыкі і літаратуразнаўства з 1958 г.

Аўтар некалькіх дзясяткаў кніг:

Наднёманскія былі.

Гісторыя беларускай дакастрычніцкай літаратуры.

Сюжэт. Кампазіцыя. Характар. Аб прозе К.Чорнага.

Гісторыя беларускай літаратуры. Х1Х — пач. ХХ стагоддзя.

Пісьменнікі прынёманскага краю. Гродна. Таварыства аматараў кнігі.

Літаратурная Гродзеншчына. Мясціны. Людзі. Кнігі. і іншыя.