Генпракуратура завяла шэраг крымінальных спраў супраць Рады БНР, паведаміў журналістам начальнік аддзела па наглядзе за выкананнем заканадаўства аб дзяржаўнай бяспецы Валерый Шуляк, паведамляе Белта.
Старшыня Рады БНР у выгнанні Івонка Сурвілла. Кадр з відэа-паведамленняў / Rada BNR / Radabnr.org
Крымінальныя справы накіраваны старшыні КДБ для ўстанаўлення ўсіх, хто мае дачыненне да дзейнасці Рады БНР (незалежна ад таго, дзе яны знаходзяцца: за мяжой ці на тэрыторыі Беларусі).
Раду БНР абвінавачваюць у шэрагу злачынстваў, у тым ліку асабліва цяжкіх, якія нібыта «пасягаюць на інтарэсы Беларусі».
Гаворка ідзе ў тым ліку пра змову з мэтай захопу дзяржаўнай улады, кіраўніцтва экстрэмісцкім фармаваннем, «дзейнасць якога накіравана на рэабілітацыю нацызму», паведамляе Белта са спасылкай на Генпракуратуру.
Таксама Раду БНР абвінавачваюць у падштурхоўванні грамадзян Беларусі да ўдзелу ва ўзброеных фармаваннях на тэрыторыі іншай дзяржавы.
Чым ёсць Рада БНР
Рада Беларускай Народнай Рэспублікі — найвышэйшы кіраўнічы орган Беларускай Народнай Рэспублікі. З 1919 года дзейнічае ў эміграцыі. Па стане наа 2023 год Рада БНР ёсць самым старым у свеце «ўрадам у выгнанні».
З 1997 года пасаду старшыныі Рады БНР займае Івонка Сурвілла.
«Рада ёсьць экзыльным урадам (урадам на выгнаньні), мэта наша — не дапусьціць, каб беларускі народ ізноў згубіў сваю дзяржаву і зноў зрабіўся расейскай калёніяй», - казала Івонка Сурвілла ў адным з інтэрв'ю.
Чытайце яшчэ:
