У сеціве з’явілася першая серыя першага беларускага сеціўнага хорар вэб-серыялу на беларускай мове “Заклятыя Скарбы”. Каманда маладых творцаў з Менску завяршыла работу над першай сэрыяй “Галаву складзеш” і сёння, 28 красавіка, прэм’ера з’явілася ў свабодным доступе.

Першая серыя “Заклятых Скарбаў” – “ГАЛАВУ СКЛАДЗЕШ”.

Сюжэт сэрыялу «Заклятыя скарбы» зняты па матывах традыцыйных беларускіх легендаў ды паданняў. Аўтар ідэі праекта выступіў пачынаючы рэжысёр Серж Аўсянік. Да стварэння сцэнару спрычыніліся Зміцер Шкрадзюк, Серж Аўсяннік і літаратарка Валярына Кустава.

Плануецца, што ў першым сезоне штомесяц будуць з’яўляцца новыя серыі. Першую серыю аўтары стварылі за свой кошт.

“Мы будзем вельмі радыя, калі знойдуцца асобы, што захочуць нас падтрымаць, цяпер мы шукаем сродкі, каб зрабіць нашае кіно яшчэ лепей і якасней, набыць грым, маскі, яшчэ больш крыві, дэкарацыі, графіку, запрашаць цікавых актораў…”.

Гэта дэбют у мастацкім кіно і для сцэнарыстаў, і для рэжысёра.

Галоўныя ролі ў першай серыі “Галаву складзеш” выканалі фронтмэн “Нейра Дзюбеля” Аляксандр Кулінковіч і малады артыст Васіль Бойдак.

Падрабязней пра праект можна пачытаць на https://skarby.by/

Па пытаннях спрыяння можна звяртацца: info@cinemapride.by

Падрабязней ТУТ

Lit-bel.org Паводле прэс-рэлізу