Як з Наваградка зрабіць турыстычную Мекку для беларусаў і гасцей краіны? Абмяркуем гэта 18 снежня на афлайнавым ток-шоў ад кампаніі “Будзьма беларусамі!”

Старажытны Наваградак – горад велічных муроў і храмаў, Міндоўга і Міцкевіча – здаўна прыцягвае да сябе ўвагу беларускіх і замежных турыстаў. Але ці напоўніцу раскрываецца турыстычны патэнцыял горада і наваколляў? Як горад сустракае сваіх гасцей і наколькі ўтульна ім на вуліцах Наваградка? Што з архітэктурных адметнасцяў, помнікаў удала пазіцыянуецца, а што несправядліва застаецца па-за турыстычнымі маршрутамі? Якія гарадскія мерапрыемствы могуць стаць візітоўкай горада і ці ёсць такія ўвогуле? Ці можа Наваградак стаць не менш папулярным, чым Мір і Нясвіж?

Запрашаем ініцыятыўных жыхароў, работнікаў установаў культуры і турызму і ўсіх зацікаўленых абмеркаваць разам гэтыя ды іншыя пытанні, а таксама паспрабаваць знайсці спосабы паспяховага развіцця раёна падчас гарадскога афлайнавага ток-шоў “Турызм у Наваградку: як развіваць эфектыўней?”

Сваімі меркаваннямі і досведам падзеляцца госці сустрэчы:

Антон Астаповіч (Мінск), старшыня Беларускага таварыства аховы помнікаў;

Зміцер Сурскі (Мінск), старшыня Беларускага саюза дызайнераў;

Юлія Каляда (Гародня), дырэктарка ГА “ВелаГродна”, сябра Гарадзенскага гарадскога Каардынацыйнага савета па развіцці турызму.

Пасля дыскусіі вас чакае канцэрт барда Змітра Бартосіка.

18 снежня

Пачатак: 18.00

Карцінная галерэя Кастуся Качана

Вул. Замкавая, 9

Уваход вольны

Інфалінія +375297121803, razam@budzma.org

Падзея ў Вконтакте і Facebook