Урочышча «Hruszki» і Таварыства для дыялогу «Tropinka» ахвяруюць пяць стыпендый на бясплатнае пражыванне для ўдзельнікаў і ўдзельніц Таварыства літаратурных перакладчыкаў і таварыства «Літаратурная унія», а таксама творцам з Беларусі, Літвы і Украіны.
«З 10 па 24 сакавіка 2023 года запрашаем пяць чалавек ва ўрочышча «Грушкі» на ўскраіне Белавежскай пушчы», пішуць арганізатары.
Рэзідэнтам прапануюць жытло з пяці пакояў, якія ўключаюць ванны пакой і працоўнае месца (адзін з іх — пакой, прыстасаваны для вазочнікаў), а таксама агульнай гасцёўні і кухні. Адразу за межамі сядзібы пачынаецца Белавежскі нацыянальны парк.
Выдаткі на праезд і харчаванне стыпендыяты бяруць на сябе. Пры даездзе грамадскім транспартам арганізатары забяспечаць даезд з Гайнаўкі. Рэзыдэнтам з Украіны арганізатары прапануюць кампенсацыю выдаткаў на праезд і да 1000 злотых кампенсацыю за харчаванне.
Ад рэзідэнтаў патрабуецца кароткая справаздача і ўдзел у аўтарскім вечары ў «Chata Kulturalna» на «Dworku Rousseau». Адміністрацыя Нарэўскага раёна выступае патранатам праграмы і суарганізатарам мерапрыемства.
У заяўцы павінны быць асабістыя дадзеныя, кароткае рэзюмэ і апісанне планаванай працы. Дасылайце да 31 студзеня 2023 г. на адрас rezydencjetorcze@gmail.com
