Будзьма беларусамі! » «Вясёлы вулей»

Серыя «Каляровы ровар» Саюза беларускіх пісьменнікаў і выдавецтва «Кнігазбор» парадавалі маленькіх чытачоў і чытачак шыкоўна аформленай кнігай. Неўміручая класіка — азбука «Вясёлы вулей» Рыгора Барадуліна — зайграла новымі фарбамі дзякуючы мастаку Лізавеце Лянкевіч. Вачэй не адвесці ад старонак, з рук выпускаць гэтую вясёлкавую кнігу не хочацца! Пераканайцеся самі.

74 старонкі чыстай радасці для дзіцяці, якое ўпершыню раскрывае для сябе свет беларускіх літар. Ідэальна зручны фармат для сямейнага чытання. Барадулінскае паэтычнае майстэрства прадстаўлення не патрабуе.

Вулей ёсць такі вясёлы,

Пчолы

З гэтага вулля

Прывядуць цябе да школы.

Зразумееш, немаўля,

Толькі вулей загудзе,

Што, чаго, адкуль і дзе,

Як знайсці каго і дзе,

Хто ляціць, а хто ідзе.

Літары

Ад А да Я —

Пчолак дружная сям’я

Носіць мёд у соты ведаў,

Просіць, каб усё ты ведаў.

Паступова, пакрысе

Іх запомніць трэба ўсе!

Гукі мовы роднай, наскай

Перапоўняць сэрца ласкай,

Дык шануй святыя словы

Беларускай звонкай мовы!

Радуе нябёсы й долы

Вулей азбукі вясёлы.

Шукайце “Вясёлы вулей” у кнігарнях Беларусі!

Прэс-служба ГА “Саюз беларускіх пісьменнікаў”

«Вясёлы вулей» — азбука ў кожны дом!

Апошняе
на Budzma.org

«Ноч музеяў — 2025» у Віленскім беларускім музэі імя І. Луцкевіча

Стала вядома, калі адкрыюць Чырвоны касцёл у Мінску

Паўстанне, якое не адбылося

Папулярнае

Пра мёртвых — альбо добра, альбо нічога. Апроч праўды

Музыка ў стане супраціву: новы агляд ад аналітычнай групы Беларускай Рады культуры

Абвешчана праграма беларускага стэнду на Варшаўскім кірмашы

Афіша

Выстава «Рай» у Віцебску

Выстава «Жарсці па архітэктуры» ў Брэсце

Выстава Цемры «Fragile» ў Познані

«Вясёлы вулей» — азбука ў кожны дом!

Апошняе на Budzma.org

Папулярнае

Афіша

Апошняе
на Budzma.org