Грамадзяне Беларусі і Украіны, якія захочуць стаць расейцамі, змогуць без адмовы ад свайго грамадзянства і не маючы продкаў, якія раней жылі на тэрыторыі Расіі, атрымаць грамадзянства РФ.
Пра гэта паведаміў аўтар законапраекта аб рэпатрыяцыі, намеснік кіраўніка камітэта Дзярждумы па справах СНД і сувязях з суайчыннікамі Канстанцін Затулін 11 чэрвеня.
«Суайчыннікамі прапануецца лічыць людзей, якія самі або чые сваякі па ўзыходзячай лініі (продкі) жылі на тэрыторыі сучаснай РФ, а таксама гэта — украінцы і беларусы, якія самі або іх продкі маглі не жыць на тэрыторыі РФ. Калі яны хочуць і самаідэнтыфікуюць сябе як расійскія суайчыннікі, то мы не павінны ў гэтым выпадку іх не прызнаваць », - заявіў Затулін.
Ён адзначыў, што лічыць важным і апраўданым ўключэнне ўкраінцаў і беларусаў у праект гэтага закона, каб тыя змаглі скарыстацца найбольш спрошчаным парадкам атрымання грамадзянства Расіі.
Над законапраектам працавала рабочая група інстытута краін СНД пад кіраўніцтвам намесніка дырэктара інстытута Аляксандры Дакучаевай. Закон будзе разгледжаны ўжо новым складам Дзярждумы. На думку дэпутата, рэалізацыя закона можа прыцягнуць у краіну мільёны чалавек, перш за ўсё з Украіны.
Калі расійскія парламентарыі прымуць прапанаваны законапраект, то працэдура атрымання грамадзянства РФ у значнай ступені спросціцца. На дадзены момант такой магчымасцю могуць скарыстацца толькі тыя, хто ўжо пераехаў у Расію.
Нагадаем, што дзеючае беларускае заканадаўства не прызнае іншае грамадзянства ў грамадзяніна Рэспублікі Беларусь, але пры гэтым не забараняе яго мець.
