Музей гісторыі беларускай літаратуры запрашае на мастацка-дакументальную выставу «Пуцявіны роднага слова», прысвечаную дзейнасці Сцяпана Александровіча.
Дата: з 20 студзеня па 18 лютага
Месца: вул. М. Багдановіча, 7а, Мінск
15 снежня 2021 года Беларусь адзначыла 100-годдзе з дня нараджэння Сцяпана Александровіча, доктара філалагічных навук, літаратуразнаўца, крытыка і публіцыста.
Сцяпан Александровіч — адзін з самых вядомых багдановічазнаўцаў, даследаваннем жыцця і творчасці класіка беларускай літаратуры пачаў займацца ў 1960-я гг., асэнсоўваў творчую спадчыну Максіма Багдановіча, раскрыў яго ролю як перакладчыка і даследчыка ўкраінскай літаратуры.
Выстава створана на падставе экспанатаў з фондаў Літаратурнага музея Максіма Багдановіча і матэрыялаў, якія захоўваюцца ў сямейным архіве Александровічаў.
