26 лістапада — вечарына да 85-годдзя Уладзіміра Караткевіча
Пачатак: 26.11 (18:30)Канец: 26.11 (21:00)
Галерэя сучаснага мастацтва «Ў»
26 лістапада ў Мінску ў галерэі сучаснага мастацтва «Ў» (пр. Незалежнасці, 37а) адбудзецца вечар, прымеркаваны да 85-годдзя з дня нараджэння Уладзіміра Караткевіча. Пачатак у 18.30. Уваход вольны.
У вечарыне возьмуць удзел: Старшыня ГА «Саюз беларускіх пісьменнікаў» Барыс Пятровіч, першы намеснік Старшыні Алесь Пашкевіч, літаратары Уладзімір Арлоў, Анатоль Верабей, Анатоль Вярцінскі, Леанід Дранько-Майсюк, Сяргей Законнікаў, Уладзімір Някляеў, выканаўца ўласных песень Алесь Камоцкі.
Выступіць гурт «Нельга забыць».
У межах вечара адбудзецца прэзентацыя часопіса «Дзеяслоў» № 78 з публікацыяй раней не вядомых дзённікаў Уладзіміра Караткевіча.
Арганізатар — ГА «Саюз беларускіх пісьменнікаў», партнёр — грамадская культурніцкая кампанія «Будзьма беларусамі!»
Запрашаем!
