Адзін з лепшых спектакляў РТБД – “Дзённік паэта” – 14 мая
14.05.2016
19:00 - 21:00
Рэспублiканскi тэатр беларускай драматургii РТБД (вул. Крапоткiна, 44)
Бясплатнае
14 мая запрашаем вас на самы рэдкі і адзін з лепшых спектакляў РТБД – “ДЗЁННІК ПАЭТА (ІНТЫМНЫ ДЗЁННІК)”.
У цэнтры ўвагі гледачоў – Максім Багдановіч, «замалёўкі» з яго жыцця, узятыя з неапублікаванага раней дзённіка паэта. Якім быў сапраўдны Максім Багдановіч? Чым ён жыў? Пра што марыў? Як уяўляў сабе каханне?
Цікавая драматургічная задума аўтара падзяляе дзеянне на дзве часткі. Першая з іх дэманструе гледачу жыццё паэта, падзеі, пачуцці і перажыванні, якія ён апісваў у сваім інтымным дзённіку. Другая частка знаёміць нас з лёсам гэтага дзённіка і выносіць на паверхню відавочныя адрозненні стаўлення да чалавечых каштоўнасцяў і шчырых, глыбокіх пачуццяў у нашы дні і стагоддзе таму.
Аўтар: Сяргей Кавалёў
Жанр: Гісторыя кахання і здрады
Рэжысёр: лаўрэат прэміі «За духоўнае адраджэнне» Віталь Баркоўскі
Мастак-пастаноўшчык: Алена Ігруша
Рэжысёр па пластыцы: заслужаны артыст РБ Ігар Сігоў
Балетмайстар: Вольга Скварцова
Музычнае афармленне: Цімур Каліноўскі
Мастак па святле: Сяргей Цыпкін
Прэм’ера: 16 студзеня 2009
Працягласць: 1 г. 50 хв.Ролі выконваюць:
Максім, Пётра – Аляксандр Марчанка
Стыля, Лявон – Канстанцін Воранаў
Клава, Каліса – заслужаная артыстка РБ Людміла Сідаркевіч
Вольга, Вераніка – Анастасія Баброва
Салтыкоў, Макс – заслужаны артыст РБ Ігар Сігоў
Дар’я Цімафееўна, Ядзвіга Антонаўна – заслужаная артыстка РБ Галіна Чарнабаева
На старонцы мерапрыемства ў Facebook ёсць шмат цікавага пра спектакль.
