У чацвер, 25 красавіка, кампанія «Дзікая прырода» кліча на анлайн-лекцыю Віталя Кашчэева «Топ-10 птушак-рэкардсменаў Беларусі».
Дата: 25 красавіка ў 19.00 (час мінскі, гэта 18.00 па Варшаве, 19.00 па Вільні)
Месца: Zoom
Віталь Кашчэеў — арнітолаг, фотаанімаліст і кальцавальнік птушак. Аднойчы акальцаваў 500 птушанят чаек-рыбачак за 5 гадзін. Змайстраваў і размясціў штучныя гнездзішчы для соцень птушак — сініц, соў, савукоў, сокалаў — і не толькі.
На лекцыі вы даведаецеся цікавыя факты пра 10 відаў птушак Беларусі, якія адзначыліся рэкордамі або маюць незвычайныя суперздольнасці.
Спадар Віталь раскажа:
Якія птушкі могуць спаць у палёце?
Хто з птушак можа чуць пад вадой?
Якія птушкі робяць сабе «баракамеры» пад снегам?
У якой птушкі самы вялікі размах крылаў?
Рыхтуйце пытаннечкі пра птушак!
Кошт лекцыі — 15 рублёў, а для ўдзельнікаў «Дзікага клуба» — бясплатна.
Набыць квіточак можна па спасылцы. А што гэта за такі «Дзікі клуб» — даведаецеся па гэтай спасылцы. Там жа можна і далучыцца.
Увесь прыбытак ад лекцыі і ад дзейнасці клуба накіроўваюць на ахову дзікай прыроды Беларусі.
