Анлайн-прэзентацыя каталога выставы «Кожны дзень», прысвечанай беларускім пратэстам
25.02.2022
14:00 - 16:00
анлайн
Бясплатнае
25 лютага адбудзецца анлайн-прэзентацыя каталога выставы «Кожны дзень. Арт. Салідарнасць. Супраціў», прысвечанай беларускаму мастацтву пратэсту, якая працавала летась у Мастацкім Арсенале ў Кіеве.
Дата: 25 лютага
Час: 14.00 (час кіеўскі)
Месца: Zoom
На прэзентацыі куратары выставы «Кожны дзень», яе ўдзельнікі, каманда «Мастацкага арсенала» і Міжнароднага фонду «Адраджэнне» падзеляцца сваімі разважаннямі аб выставе, дызайне каталога і кантэксце, у якім быў створаны праект.
Удзельнікі змогуць:
— даведаца пра тое, як змянілася сітуацыя ў культурным полі Беларусі пасля адкрыцця выставы ў Мастацкім Арсенале;
— зазірнуць у каталог выставы «Кожны дзень», абмеркаваць асаблівасці яе стварэння і нелінейнасць структуры выдання;
— наведаць віртуальную 3D-экскурсію па выставе. Далучайцеся да прэзентацыі па спасылцы ў Zoom або ў трансляцыі на YouTube-канале Мастацкага Арсенала.
«Кожны дзень» — лозунг, які скандавалі пратэстоўцы ў Беларусі, падкрэсліваючы працягласць і рытм супраціўлення, захоўваючы ўпэўненасць у тым, што пратэст працягнецца заўтра і не скончыцца.
Выстава «Кожны дзень. Арт. Салідарнасць. Супраціў» апелюе да тых мастацкіх практык, якія рэзаніруюць з гісторыяй і сучаснасцю пратэстных рухаў і сетак салідарнасці.
Выставачны праект і выданне каталога адбыліся пры падтрымцы Міжнароднага фонду «Адраджэнне».
