У суботу, 23 траўня, Беларускі кніжны клуб запрашае на анлайн-сустрэчу з пісьменніцай Югасяй Калядой.
У 2025 годзе яе раман «Перамена месцаў» трапіў у шорт-ліст прэміі імя Ежы Гедройця.
Сюжэт такі: Беларусь, 2017 год. У новым цягніку, які рушыць з Менску ў Гомель, мяняюцца месцамі дзве пасажыркі — Альбіна і Маня.
Наступны дзень прыносіць жахлівую навіну: яны памяняліся ня толькі месцамі, але і целамі.
Гэты містычна-рэалістычны раман пачынаецца як камэдыя інтрыгі, але чым далей, тым болей ператвараецца ў сацыяльную драму.
І хоць цуды здараюцца да апошняй старонкі, ці дапамогуць яны героям даць рады складанаму жыцьцю?
То далучайцеся пазнаёміцца з аўтаркай і задаць ёй пытанні.
Удзел вольны. Далучайцеся ў адмысловы час па спасылцы.
Дата і час: 23 траўня ў 11.00 (час EST, гэта 9.00 па MST і 8.00 па PST)