У суботу, 20 студзеня, у Старамейскім доме культуры — закрыццё выставы фотадуэта Kanaplev&Leidik «Тата ў тэлефоне».
Дата: 20 студзеня
Час: 13.00 (час мясцовы)
Месца: Staromiejski Dom Kultury, Rynek Starego Miasta 2, Варшава
У 13:00 адбудзецца экскурсія па выставе з удзелам куратаркі Каі Вербаноўскай і аўтараў Юліі Лейдзік і Яўгена Канаплёва.
Яны раскажуць аб працы над праектам, працэсе стварэння выставы і аб тым, што ўяўляе сабой паўсядзённае жыццё большасці ўкраінскіх сем’яў, падзеленых вайной.
Юлія Лейдзік і Яўген Канаплёў, пара беларускіх фатографаў, якія эмігравалі з Мінска ў Варшаву праз тры дні пасля пачатку вайны ва Украіне, з 2022 года працавалі над праектам «Тата ў тэлефоне», здымаючы партрэты ўкраінскіх сем’яў у іх польскіх дамах.
Класічныя партрэты маюць адзін трывожны элемент — бацька ў іх прысутнічае выключна на экране смартфона.
«Тата ў тэлефоне» — гэта гісторыя пра вайну з гледзішча сем’яў, якія — падзеленыя ёю — жывуць гібрыдна.
