Нацыянальны цэнтр сучасных мастацтва запрашае «Традыцыі Рэнесансу ў сучасным жывапісе» ў рамках праекту «Рафаэль. Эпоха Рэнесансу». Спікерамі выступяць удзельнікі выставы —мастакі Андрэй Дубінін і Павел Кандрусевіч. Мадэратар дыскусіі — куратарка Дзіна Даніловіч.
Дата: 14 студзеня
Час: 18.30
Месца: Незалежнасці, 47, Мінск
У чым значнасць культурнай спадчыны Рэнесансу для сучаснага чалавека? Наколькі асноватворныя прынцыпы эпохі Рэнесансу — гуманізм і антрапацэнтрызм — актуальныя для сучаснага мастацтва? Якія формы можа прымаць сучаснае рэлігійнае мастацтва, балансуючы паміж догмай і пошукам новай мовы і сэнсаў? Чаму хрысціянскія сюжэты цікавыя сучасным аўтарам?
Выбар спікераў не выпадковы: Андрэй Дубінін працаваў мастаком-рэстаўратарам у Спаса-Праабражэнскай царкве XII ст. Еўфрасіннеўскага манастыра ў г. Полацку, у касцёле Св. Станіслава XVII ст. у г. Магілёве, у Свята-Петрапаўлаўскім саборы XVII ст. у г.Мінску; быў запрошаны распісваць адноўлены пасля землятрусу храм у Кава дэі Тырэні (Італія), адначасова выконваючы маштабную серыю з 12 карцін, прысвечаную бацькам-заснавальнікам аднаго з найстарэйшых і найважнейшых абацтваў — Бадыя ды Кава. Мастак увесь час звяртаецца ў сваёй творчасці да хрысціянскіх тэмаў.
Павел Кандрусевіч ствараў роспісы і карціны для касцёлаў Мінскай, Віцебскай і Гродзенскай дыяцэзій, а ў сваіх жывапісных працах працягвае рэнесансныя традыцыі.
Рэгістрацыя на мерапрыемства па спасылцы.
