26 сакавіка – вечар беларускага хіп-хапу ў “Торвальдзе”. Пачатак а 18:00.
Выступяць:
– праект BELAROOTS (Angst | Zeman | Kontra +прэзентацыя альбому “Аднакарэнныя” )
– рэпер ВОЖЫК
BELAROOTS – рэп-гурт, які заснавалі ў Менску Angst, Zeman i Kontra. На пачатку 2017 году выдалі дэбютны альбом “Аднакарэнныя”.
“BELAROOTS – спалучэнне трох творчых асобаў, аб’яднаных каранямі Радзімы, Мовы і Хіп-Хоп культуры.
Кожны з удзельнікаў гурта рэпрэзентуе пэўную, родную для сябе, частку Беларусі і прыродны элемент, што адлюстравана і ў лагатыпе – чырвоным дрэве з блакітнай рысай і назвай праекту, напісанай белымі літарамі пад ім. Уся кампазіцыя змяшчаецца на чорным тле, кантрастам падкрэсліваючы непадобнасць кожнай з частак BELAROOTS адна да адной”.
Зміцер ВОЖЫК Зайко – беларускі рэп-выканаўца з г.Сянно, пачынаў у фармацыі “ТО Лопата” у 2004. Вядомасць атрымаў дзякуючы сольнаму трэку “Вечна жывая”. Дэбютны альбом “У віры падзей” прадставіў у 2011. Супрацоўнічаў з выканаўцамі і гуртамі Zeman, “Эпицентр Унии” (Украіна), Сьмех, LSP, Popa Chief (ЗША), ZnaROCK, бітмэйкерам Deech.
