Беларускі пікнік LTCŃ у Кракаве
26.07.2025
11:00 - 21:00
парк Ёрдана (al. 3 Maja 11)
Бясплатнае
У суботу, 26 ліпеня, у Кракаве — беларускі пікнік LTCŃ.
Сабралі ўсё, што вядома на гэты момант (ці амаль усё).
Дык вось:
Галоўная сцэна:
- «Разбітае Сэрца Пацана»
- Zui
- Kriwi
- Domsun (І магчыма, яшчэ хтосьці, чыё імя пакуль трымаюць у сакрэце.)
Электронная сцэна
- Papa Bo Selektah
- nuarrrrr
- LilYury
- 1AM
- Mustelide
- Pocket Rave
- Nadezh No і Yanna Melko
Этнапляцоўка:
- Сяржук Доўгушаў з прэзентацыяй спеўніка «Калыханкі», грой на народных інструментах і спеўным сходам
- заходне-афрыканскія барабаны ад «Koza Gada» з вакалам племянных песень і інтэрактывам
- музычны выступ ад Школы беларускай традыцыйнай культуры ў Варшаве і варштат па танцах з Сержуком Тупальскім
- гукавое падарожжа з гуртом «TRAVA», дзе вясковыя мелодыі сустракаюцца з гарадскімі рытмамі
- выступ гурта «Laleja», ды яшчэ і сумесна з LilYury: гэты этна-электронны дуэт вы запомніце надоўга.
Псіхалагічная пляцоўка
Дзённы сон з казкай ад
Маляваныча
Гэта магчымасць для дарослых вярнуцца ў дзяцінства і адпачыць пад чароўны голас любімага вядоўцы!
Практыка «Пра што маўчыць цела: як навучыцца яго разумець» Разам з
Анастасіяй Грэчухай патрэніруецеся слухаць і чуць сваё цела і счытваць сігналы, якія яно вам перадае.
Лекцыя «Прафілактыка і рэдукцыя стрэсу» Навучыцеся, як самастойна дапамагчы сабе менш стрэсаваць і ці карысныя ў гэтай справе медытацыя і экатэрапія. Вядоўцы —
Сяргей Сідарук і Святлана Піскун.
Майстар-клас ад
Наталлі Скібскай
Кадл-паці: уводзіны ў практыку Паспрабуйце новую для сябе актыўнасць у бяспечнай атмасферы і ў прыемнай кампаніі.
Кансультацыі псіхолагаў «Летуценная псіхдапамога»
Спартыўная пляцоўка:
Турнір па футболе 3×3
Вялікая водная палесская бітва!
Усяго будзе 4 каманды па 5 чалавек, ваша задача — перакідваць балонікі з вадой на зону апанента. Калі балонік разбіваецца — супернік губляе бал.
Зона выпрабаванняў!
Polesie United падрыхтавалі 10 розных чэленджаў, у якіх вы будзеце змагацца ў парах. Адзін чалавек можа паўдзельнічаць у некалькіх выпрабаваннях і атрымаць стыкеры. Назбіраеце пэўную іх колькасць — зможаце абмяняць на мерч
Пераможцаў чакаюць прызы.
Кірмаш! Ну, тут без каментарыяў. Проста мноства файных рэчаў, якія можна набыць.
Уваход вольны. Таксама
ніколі не позна заданаціць на арганізацыю пікніка — гэта можна зрабіць па
спасылцы.
А можна стаць валанцёрам — калі ласачка, па гэтай спасылцы.
Вы атрымаеце дзясяткі знаёмстваў з актыўнымі кракавянамі, круты досвед і радок для CV, а таксама сертыфікат пра валанцёрства ды афармленне практыкі для ўніверсітэта (калі вам актуальна). Ну і проста карысна і цікава пабавіце час.
