• budzma.org
  • Пра нас
  • Крама
Будзьма беларусамі! Будзьма беларусамі!
telegram www.instagram.com/budzma/ Facebook.com vk.com twitter.com youtube.com
  • Актуаліі
  • Меркаванні
  • Гісторыя
  • Літаратура
  • «Музыка»
  • Гатуем з «Будзьма!»
  • «Гісторыя за 5 хвілін»
  • «Трызуб і Пагоня»
  • «Разумняты»
  • Вандруем разам
  • Афіша

АФІША

Іншае Мінск

Беларускі скансэн запрашае адзначыць Стары Новы год !

Пачатак: 14.01 (13:00)
Канец: 14.01 (15:00)
Беларускі дзяржаўны музей народнай архітэктуры і побыту
(Мінск, в. Азярцо, Мінскі р-н (4 км. ад МКАД за аўтарынкам “Малінаўка”)
Кошт: 3 - 8 рублёў
Google

«Шчодрык» – гэта вечар напярэдадні Новага года паводле старога стылю, які звязвалі з гатаваннем другой (багатай, шчодрай) куцці. Абрад «шчадраванне» вызначаўся абыходам двароў гуртом шчадроўнікаў разам са «шчодрай» (прыгожай) дзяўчынай, якую апраналі ў святочнае адзенне. Яны спявалі песні-«шчадроўкі», услаўлялі гаспадара, гаспадыню, іх дзяцей і гаспадарку.

Акрамя гэтага на мерапрыемстве будзе прадстаўлена адна з найбольш цікавых этнічных формаў каляднага абрадавага ігрышча – «Жаніцьба Цярэшкі». Асноўнае дзеянне ігрышча – падбор шлюбных пар, жаніцьба маладых – мае ўмоўны, гульнёвы характар, уласцівы падобным абрадавым звычаям многіх еўрапейскіх народаў.

Наведвальнікі мерапрыемства атрымаюць магчымасць:

  • убачыць калядны абрад «Шчодра» і калядную гульню «Жаніцьба Цярэшкі»;
  • пазнаёміцца з традыцыйным беларускім ценявым тэатрам «Вяртэп»;
  • паспрабаваць сябе ў майстар-класах па вырабу абярэгаў з саломкі і вырабу лялек-мотанак з тканіны;
  • далучыцца да сапраўдных калядных варожбаў;
  • пачаставацца гарбатай і шчодрай куццёй;
  • атрымаць асалоду ад традыцыйнай народнай музыкі і іншае!

У праграме мерапрыемства прымуць удзел музычны калектыў «Жвавы карчмар», фальклорныя гурты «Явар» і «Талака».

Падчас мерапрыемства за дадатковую плату можна:

  • набыць сувеніры ад народных майстроў;
  • наведаць «Беларускую карчму», якая знаходзіцца на тэрыторыі музея.

Запрашаем прыняць удзел у абрадавым мерапрыемстве «Шчодрык» на тэрыторыі музея!

Кошт квіткоў:

  • для дарослых – 8.0 руб.;
  • для студэнтаў – 5.0 руб.;
  • для дзяцей школьнага ўзросту – 3.0 руб.;
  • для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

  • Калі ласка, паклапаціцеся пра абутак і вопратку згодна з умовамі надвор’я.
  • Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля в.Азярцо

Праезд ад аўтастанцыi «Паўднёва-Заходняя» прыгараднымі аўтобусамі ў накірунку: Мiнск –Дубянцы, Заходнія могілкі, Чыкі.


« Папярэдняя падзея
Наступная падзея »

Важнае пра нас

  • Што такое "Будзьма беларусамі!"
  • Рэкламадаўцам
  • Асобы кампаніі
  • Усе праекты "Будзьма!"
  • Рэдакцыйная пошта: [email protected]

Папулярнае

    • «Пагоня» не з’яўляецца «экстрэмісцкім» сімвалам
    • Топ-3 смешных выпадкаў з Якубам Коласам
    • Унучка пакаранага паўстанца, якая стала адной з самых вядомых у свеце жанчын-хірургаў
    • Што паслухаць з беларускай музыкі на Дзень Волі
    • «Беларусьфільм» здыме экранізацыю рамана Караткевіча. Сталі вядомыя падрабязнасці
© Грамадская культурніцкая кампанія «Будьма беларусамі!», 2008-2019.
Логотип