23 кастрычніка, у нядзелю, Мастацкі музей паўтарае файную лекцыю «Чароўны Мінск Анатоля Тычыны. Ля вытокаў міфалагемы Мінска».
Дата: 23 кастрычніка
Час: 15.00
Месца: Нацыянальны мастацкі музей, вул. Леніна, 20, Мінск
Анатоль Тычына стварыў вобраз Мінска — ідэальнага «горада-Фенікса», адроджанага з руін, новай сонечнай беларускай сталіцы. Гэтую выяву пасля інтэрпрэтавалі ў сваёй творчасці іншыя мастакі.
Тычына першы заўважыў прыгажосць Мінска 50-х, якая стала зараз яго архітэктурным брэндам.
Пра ўсё і яшчэ пра іншае раскажа Надзея Усава, куратарка выставы «Чароўны Мінск. Анатоль Тычына».
Папярэдняй рэгістрацыі не патрабуецца — проста набывайце квіток у музей. І да сустрэчы!