Незвычайнае гукавое спалучэнне класічнай музыкі і беларускай архаікі, інтэлекту і вытанчанай сцэнічнай эстэтыкі — у спектакле-гімне “ВАНДРОЎНІК” 22 студзеня 19:00 на сцэне Вялікай залы Белдзяржфілармоніі. Узрушанае прысвячэнне таленавітаму жыццю этнографа, мастака, даследчыка Міхася Раманюка, яркай і незвычайнай постаці ў беларускай культуры ХХ стагоддзя.
Аўтар і рэжысёр-пастаноўшчык Ларыса Сімаковіч.
Класічная музыка, архаічныя спевы, аўтэнтычныя строі…
Дзяржаўны камерны аркестр Беларусі фальклор-тэатр “Госьціца”
этнагурт “Горынь”
творчая майстэрня
Уладзіміра Мішчанчука (БДАМ)
Тое, што іншыя разбуралі, ён — абараняў.
Тое, што іншыя раскідвалі, ён — збіраў.
Тое, што іншыя прадавалі, ён — зберагаў і захоўваў.
Ён сабраў “беларускі космас” нацыянальнага традыцыйнага строя і тым здзівіў не толькі Парыж і Ліён, але і саміх беларусаў. Назвы кінутых і забытых вёсак ён перанёс у свае кнігі. Нібы нязнаны край, адкрыў аўтэнтычнасць беларускай жанчыны — сімвал Беларусі
