Дабрачынная экскурсія па выставе пра літаратараў-юбіляраў у Мінску
18.08.2024
15:00 - 17:00
музей гісторыі беларускай літаратуры (вул. Багдановіча, 13)
10 рублёў
У нядзелю, 18 жніўня, музей гісторыі беларускай літаратуры ладзіць дабрачынную экскурсію па выставе «Жменя сонечных промняў» у падтрымку збора сродкаў на стварэнне надмагільнага манумента Змітраку Бядулю.
Дата: 18 жніўня
Час: 15.00
Месца: музей гісторыі беларускай літаратуры, вул. Багдановіча, 13, Мінск
Выстава прысвечана беларускім пісьменнікам-юбілярам 2024 года. Экскурсію правядзе Валянціна Кароткіна, загадчыца навукова-асветніцкага аддзела музея.
На выставе вы пазнаёміцеся з творчасцю сямі выбітных пісьменнікаў, чые юбілеі адзначаюцца сёлета: Івана Чыгрынава, Артура Вольскага, Алеся Савіцкага, Аркадзя Куляшова, Максіма Лужаніна, Алеся Якімовіча, Міхася Лынькова.
Тут вы зможаце пабачыць асабістыя рэчы, прадметы адзення, аксесуары пісьменнікаў, фотаздымкі, экслібрысы, кнігі з аўтографамі, пазнаёміцца з іх аўтабіяграфіямі, лістамі, рукапісамі, дакументамі.
Усіх удзельнікаў чакаюць памятныя сувеніры ад музея.
Сабраныя з экскурсіі грошы будуць пералічаны на спецыяльны рахунак, дзе акумулююцца сродкі на стварэнне надмагільнага манумента класіку.
Запісвайцеся па нумарах +375 (17) 363 94 65, +375 (17) 363 56 21.
Кошт — 10 рублёў. Гэта будзе ваш унёсак у важную і ганаровую справу.
