Пісьменніцкі клуб для падлеткаў і дарослых у Кракаве

У суботу, 14 сакавіка, "Кніжны Вырай" запрашае на сустрэчу пісьменніцкага клуба для падлеткаў ад 13 да 18 гадоў і для тых, якім больш за 18.

Любіце ствараць гісторыі і фантазіраваць?

А можа, у галаве пастаянна круцяцца захапляльныя сюжэты, але вы не ведаеце, як перакласці іх на паперу?

Вабіць таямнічы пісьменніцкі вайб - заваражвальны стук клавіш у цішыні, пошук таго самага ідэальнага слова?

На сустрэчах будуць:

- Будаваць моцныя сюжэты: ад завязкі, якая чапляе, да фіналу, які не забываецца

- Ажыўляць персанажаў: як зрабіць герояў такімі, каб чытач у іх закахаўся (ці зненавідзеў)

- Майстраваць дыялогі: вучымся пісаць так, каб героі размаўлялі жыва і натуральна

- Шукаць свой стыль: ствараць непаўторную атмасферу і голас твайго твора

Напрыканцы курсу:

- Гучныя чытанні для адважных: магчымасць прэзентаваць свой твор перад публікай

- Публікацыя ў анлайн-зіне: твой твор убачыць свет і знойдзе сваіх першых чытачоў у сеціве!

- Майстэрню праводзіць Аліна Длатоўская - пісьменніца, аўтарка фэнтэзі-рамана "Арнаменты" і суаўтарка кніг "Беларускія нячысцікі".

Мова заняткаў - беларуская. Пісаць свае тэксты можна на той мове, якая вам бліжэйшая - беларускай, рускай альбо украінскай.

Тых, каму ад 13 да 18 запрашаюць 14 сакавіка а 14:30 (сустрэчы кожны другі тыдзень).

Вам больш за 18? No problem! Прыходзьце 14 сакавіка а 16:15!

Удзел вольны. Рэгіструйцеся па спасылцы.