У нядзелю, 26 сакавіка, Беларусы Лодзі ладзяць Дзень беларускай культуры ў межах цыкла ŁÓDZKOŚĆ.
Дата: 26 сакавіка
Час: з 11.00 (час мясцовы)
Месца: Centrum Dialogu im.M. Edelmana, ul. Wojska Polskiego 83, Лодзь
Глядзіце, якая праграма: 11.00-14.00
11.00-14.00 Праект «Dania twojego kraju», дзе будуць гатаваць дранічкі ды іншыя беларускія прысмакі. Але ж рэгістрацыя на гэтую імпрэзу завершана, на жаль.
14.30 Выстава. Можна будзе наведаць пяць пастаянных экспазіцый і часовую выставу Марыі Снісарэнка.
15.30 «Film bez obrazu» — радыёмастацкі дакументальны фільм гісторый з Беларусі. Героі падзеляцца, як выглядае іх жыццё на дадзены момант.
17.30 Спектакль «AUGUST», прысвечаны беларускім пратэстам, ад тэатральнай ініцыятывы «BY teatr».
На прыкладзе звычайнай беларускай сям’і ў спектаклі разглядаюцца падзеі пратэстаў 2020 года ў Беларусі і даследуецца калектыўная траўма беларускага грамадства, якую неабходна ўсвядоміць і прапрацаваць, каб унутрана перажыць гэты бясконцы жнівень (так і не скончаны дагэтуль для многіх людзей, якія засталіся ў краіне) і рухацца наперад па шляху перамен.
Уваход на спектакль таксама вольны, але ж патрэбная рэгістрацыя па спасылцы.
